ՏԵՍԱՆՅՈՒԹ․ ««Գոյ» թատրոնի փակումը քաղաքական դրդապատճառներ ունի»․ բողոքի ակցիա

«Գոյ» թատրոնի ստեղծագործական անձնակազմն այս պահին Կրթության, գիտության, մշակույթի և սպորտի նախարարության շենքի դիմաց է։ Նրանք պահանջում են, որ իրենց թատրոնը չլուծարեն ու չմիացնեն մեկ այլ թատրոնի հետ։

Թատրոնի աշխատակիցները տեղեկություն են ստացել, որ այսօր ԿԳՄՍ նախարարությունում նոր տնօրեն Կարեն Սիմոնյանը ստորագրելու է փաստաթուղթ, որով «Գոյ» թատրոնը կմիավորվի Սունդուկյանի անվան ազգային ակադեմիական թատրոնին։

«Իրենք ոչ մի բան մինչև այսօր չեն ստեղծել ու զբաղված են միայն քանդելով։ «Գոյ» թատրոնը հերթական քանդման առարկան է իրենց համար։ Մենք ուզում ենք անկախ ստեղծագործել մեր հայրենիքում։ Այդ թատրոնը մեր տունն է, ու մենք մեր տունը պատրաստ չենք հանձնել, մենք նահանջելու տեղ չունենք»,- լրագրողների հետ զրույցում ասաց բեմադրիչ Արթուր Սահակյանը։

Ակցիայի մասնակիցները նշում են, որ «Գոյ» թատրոնի փակումը քաղաքական դրդապատճառներ ունի։

Մանրամասները՝ տեսանյութում։