Թայվանում նախագահի ընտրություններում հաղթած թեկնածուն խոսել է ՉԺՀ-ի հետ հարաբերությունների մասին

Թայվանի իշխող Դեմոկրատական ​​առաջադիմական կուսակցության թեկնածու Լայ Ցինդեն հաղթել է Թայվանի նախագահական ընտրություններում: Այս մասին տեղեկանում ենք ՌԻԱ Նովոստիից:

«Ուզում եմ շնորհակալություն հայտնել Թայվանի ժողովրդին մեր ժողովրդավարության համար նոր գլուխ գրելու համար: Մենք աշխարհին ցույց ենք տվել, թե որքան ենք գնահատում ժողովրդավարությունը», - ասել է Լայ Ցինդեն ընտրողներին:

Խոսելով Չինաստանի հետ հարաբերությունների մասին` Լայ Ցինդեն ասել է, որ Թայվանը մայրցամաքային Չինաստանի հետ իսկապես ցանկանում է երկխոսություն` «եթե հավասարություն լինի»։

Նա միևնույն ժամանակ նշել է, որ մտադիր է պահպանել ստատուս-քվոն Թայվանի նեղուցում, օգտագործել երկխոսությունը՝ փոխարինելու առճակատումը, և պարտավորվել է պաշտպանել կղզին Չինաստանի «սպառնալիքներից և ահաբեկումներից»:

Ցինդեն նաև կողմ է արտահայտվում Վաշինգտոնի հետ կապերի խորացմանը։

Լայ Ցինդեն նաև շնորհակալություն է հայտնել իր մրցակիցներին՝ ասելով, որ հեռախոսով խոսել է նրանց հետ և ընդունել շնորհավորանքները։

Հիշեցնենք` ավելի վաղ հայտնել էինք, որ Թայվանում նախագահական ընտրություններ են: