«Չկա ավելի դաժան և անհեթեթ բան». Իսահակ Հերցոգ

Իսրայելի նախագահ Իսահակ Հերցոգը «սարսափելի և ծիծաղելի» է որակել Հարավային Աֆրիկայի Միջազգային արդարադատության դատարան ներկայացված հայցը, որով Իսրայելը մեղադրվում է Գազայի հատվածում պաղեստինցիների դեմ ցեղասպանական գործողություններ իրականացնելու համար:

Հերցոգը հայտարարել է, որ «չկա ավելի դաժան և անհեթեթ բան», քան Միջազգային արդարադատության դատարան ներկայացված հայցը:

Խոսելով Իսրայել ժամանած ԱՄՆ պետքարտուղար Էնթոնի Բլինքենի հետ՝ Հերցոգը դատապարտել է Հարավային Աֆրիկային ՄՔԴ-ում գործը հարուցելու համար: Իսրայելի նախագահը շնորհակալություն է հայտնել Վաշինգտոնին՝ Իսրայելին աջակցելու համար:

Ըստ առողջապահության նախարարության՝ ավելի քան 23,000 պաղեստինցի է սպանվել հոկտեմբերի 7-ից Իսրայելի ռազմական գործողությունների հետևանքով, իսկ Գազայի հատվածի պաղեստինցիների ավելի քան 85%-ը Իսրայելի կարգադրությամբ տեղահանվել է իրենց տներից: Անկախ փորձագետների գնահատմամբ՝ Գազայի հատվածի բնակարանների 40%-ն արդեն վնասվել կամ ավերվել է իսրայելական հարձակման հետևանքով: