Հայաստանը 2023–ին ավելի շատ մաքսատուրք է ուղարկել ԵԱՏՄ ընդհանուր կաթսա, քան ստացել է. ՊԵԿ նախագահ

Հայաստանի Հանրապետությունը Եվրասիական տնտեսական միության հետ համատեղ կաթսա մոտ 50 տոկոսով ավելի մաքսատուրք է ուղարկել։ Այս մասին կառավարության անդամների հետ ճեպազրույցի ժամանակ ասել է ՀՀ պետական եկամուտների կոմիտեի նախագահ Ռուստամ Բադասյանը։

«Հայաստանն ավելի շատ մաքսատուրք ուղարկել է ընդհանուր կաթսա, քան ստացել է։ Մոտ 73 մլրդ դրամ ստացել ենք, մոտ 140 մլրդ դրամ էլ ուղարկել»,– նշել է Բադասյանը։

Լրագրողների հարցին` արդյոք ձեռնտու է շատ գումար ուղարկել, բայց քիչ ստանալ, ՊԵԿ նախագահը շեշտել է` բազմաթիվ գործոններ կան, բայց Հայաստանը մշտապես ավելի շատ ստացել է, ավելի քիչ ուղարկել։

Հիշեցնենք, որ ԵԱՏՄ-ին Հայաստանի անդամակցության պայմանագիրը ստորագրվել է 2014թ. հոկտեմբերի 10-ին և ուժի մեջ է մտել 2015թ. հունվարի 2-ից: