ՏԵՍԱՆՅՈՒԹ. Ռուսական զորքերը լիարժեք վերահսկողության տակ են վերցրել Մարինկա քաղաքը. Շոյգուն` Պուտինին

Ռուսական զորքերը լիովին վերահսկողության տակ են վերցրել Դոնեցկի հարավ-արևմուտքում գտնվող Մարինկա քաղաքը, նախագահ Վլադիմիր Պուտինին ասել է պաշտպանության նախարար Սերգեյ Շոյգուն։

Ըստ Շոյգուի՝ քաղաքի գրավումը կնվազեցնի Ուկրաինայի զինված ուժերի հնարավորությունները և թույլ կտա ռուս զինվորականներին ավելի արդյունավետ պաշտպանել Դոնեցկը։ «Կարևորն այն է, որ մենք բավականին զգալիորեն հեռացրել ենք հրետանային աշխատանքը Դոնեցկից՝ ավելի արևմուտք», - ասել է նա։

Պուտինը համաձայնել է, որ Մարինկայի վերահսկողությունը հետ կկանչի Ուկրաինայի զինված ուժերի մարտական ​​ստորաբաժանումները և թույլ կտա Ռուսաստանին «մտնել ավելի լայն օպերատիվ տարածք»: Նա ասել է, որ քաղաքը վերցրածներն արժանի են պետական ​​պարգեւների։