ՏԵՍԱՆՅՈՒԹ. Բողոքի ցույց Արգենտինայում. նորըտիր նախագահը սպառնում է դաժանորեն ճնշել հանրահավաքները
Արգենտինայի նորըտիր նախագահ Խավիեր Միլեյի բարեփոխիչ քաղաքականությունը դժգոհություն է առաջացրել ժողովրդի շրջանում. հազարավոր պետական աշխատողներ առանց աշխատանքի են մնացել պետբյուջեի համակարգված կրճատման պատճառով:
Պարզվել է, որ արգենտինացիների մեծամասնությունը համաձայն չէ նոր նախագահ Խավիեր Միլեյի «շոկային թերապիայի» հետ:
Բազմահազարանոց ամբոխը հավաքվել է մայրաքաղաք Բուենոս Այրեսի կենտրոնում: Ուժայիններն ու հատուկ տեխնիկան տեղափոխվել են քաղաքի հիմնական մուտքեր: Խավիերը սպառնում է դաժանորեն ճնշել հանրահավաքները:
Նշենք, որ Արգենտինայի նորընտիր նախագահը կրճատել է ծախսերը բոլոր ոլորտներում. այժմ հազարավոր արգենտինացի աշխատողներ մնացել են առանց աշխատատեղերի, իսկ Միլեյը սպասում է, որ կլուծի գործազրկության խնդիրը:
«Բայց մարդիկ պետք է ինչ-որ բանով սնվեն, և նրանք մտադիր են փոխել իրավիճակը ՝ նախագահին հասցնել, որ չի կարելի պետությունը քանդել»,-այս մասին ասում են արգենտիայի ցուցարարները:
Արգենտինայի նորընտիր նախագահ Խավիեր Միլեյն արտակարգ դրություն է հայտարարել տնտեսության, առողջապահության և սոցիալական ոլորտներում: Այս մասին գրում է ՏԱՍՍ-ը` հղում անելով Արգենտինայի կառավարական տեղեկագրում հրապարակված հրամանագրին։
«Մինչև 2025 թվականի դեկտեմբերի 31-ը արտակարգ դրություն հայտարարել տնտեսական, ֆինանսական, հարկաբյուջետային, վարչական, կենսաթոշակային, սակագնային և սոցիալական, ինչպես նաև առողջապահության ոլորտներում»,-ասվում է փաստաթղթում։
Արտակարգ դրության հայտարարումը Միլեյին անհրաժեշտ է տնտեսության ազատականացմանն ու ապակարգավորմանն ուղղված բարեփոխումների փաթեթի ընդունումն արդարացնելու համար` առանց դրանք առանձին-առանձին Կոնգրեսի միջոցով անցկացնելու։ Ընդհանուր առմամբ, հրամանագրում ավելի քան 360 հոդված կա, որոնց զգալի մասը չեղյալ է հայտարարում գործող օրենքները կամ փոփոխություններ է կատարում դրանցում:
Հրամանագիրն ուժի մեջ է մտնում հրապարակման պահից: Այդ պահից էլ կառավարությունը պետք է այն ներկայացնի Կոնգրեսի հաստատմանը։ Հրամանագիրը կարող է չեղարկվել միայն այն դեպքում, եթե խորհրդարանի երկու պալատներն էլ այն անվավեր ճանաչեն:
Երեկ երեկոյան Միլեյն ուղերձով դիմել է ազգին` հայտարարելով արտակարգ հրամանագիր ստորագրելու մասին: Պետության ղեկավարը թվարկել է 30 հիմնական բարեփոխումներ, որոնք ներառում են գների կարգավորումից հրաժարվելը, միջազգային առևտրի դյուրացման համար մաքսային կանոնների բարեփոխումը, պետական ընկերությունների մասնավորեցման նախապատրաստումը և արտահանման սահմանափակումների սահմանման արգելքը:
