Հնդկաստանը կոչ է արել G7-ին հետաձգել Ռուսաստանից ադամանդի ներմուծման սահմանափակումները

Հնդկաստանը կոչ է արել Յոթնյակի (G7) երկրներին հետաձգել ադամանդների ներմուծումն արգելելու որոշումը Ռուսաստանից՝ դրանց ծագումը հետևելու անհասկանալի կանոնների պատճառով: Այս մասին հայտնում է Reuters-ը՝ հղում անելով աղբյուրներին։

«Ռուսաստանից անուղղակի ներմուծման սահմանափակումներ մտցնելու երեք-չորս ամիս ժամկետը գործնական չէ, քանի որ թանկարժեք քարերի ծագմանը հետևելու կանոններն անհասկանալի են», - ասել է գործակալության աղբյուրներից մեկը:

G7-ի երկրներն ավելի վաղ հայտարարել էին, որ 2024 թվականի հունվարի 1-ից Ռուսաստանից ադամանդների ներմուծման արգելք կսահմանեն: Հայտարարության համաձայն՝ G7-ը նաև փուլային արգելք կսահմանի երրորդ երկրներից ռուսական ադամանդների ներմուծման վրա, իսկ մինչև սեպտեմբերի 1-ը կստեղծի չմշակված ադամանդների «ստուգման և հավաստագրման ամուր մեխանիզմ»: