ՏԵՍԱՆՅՈՒԹ. «Ո՞վ է ձեր թերացումների համար ձեզ պատժելու. պարոն Երիցյա՞նը, թե ավելի բարձր ինստանցիայում». Անդրանիկ Քոչարյանը՝ ԲՏԱ նախարարին
Ո՞վ է ձեր թերացումների համար ձեզ պատժելու. պարոն Երիցյա՞նը, թե ավելի բարձր ինստանցիայում: Այս մասին, այսօր՝ դեկտեմբերի 18-ին, ԱԺ ֆինանսաբյուջետային եւ վարկային հարցերի, եւ տնտեսական հարցերի հանձնաժողովների համատեղ նիստում «ՀՀ թվային փոխակերպման (թվայնացման) գործընթացի հաշվեքննության արդյունքների վերաբերյալ» Հաշվեքննիչ պալատի ընթացիկ եզրակացության քննարկման ժամանակ՝ դիմելով ԲՏԱ նախարար Ռոբերտ Խաչատրյանին, ասաց ՔՊ խմբակցության պատգամավոր Անդրանիկ Քոչարյանը:
«Օրինակ, եթե պարոն Երիցյանի հանձնախումբը ինչ-որ հրաշքով լուծարվի, նախարարությունն ի վիճկի՞ է առաջնորդությունը վերցնի իր ձեռքը, որովհետեւ ես շատ լավ հասկանում եմ, որ նախարարությունը պետք է առաջնորդի նմանատիպ պրոցեսները, որի համար լիազորված է: Հիմա չկա պարոն Երիցյանը, դուք, նախարարությունն իր ներուժով, ֆինանսական հատկացումներով, կադրերով ի վիճակի՞ է վերցնել իր ձեռքը եւ ասել՝ 2024-ին այս չարած ծրագրերի կամ կիսատ արած գործերն ի կատար կածենք»,-ասաց նա:
Ի պատասխան Ռոբերտ Խաչատրյանն ասաց. «Ոչ պարոն Երիցյանն է անձամբ մենակ անում թվայնացումը, ոչ էլ նախարարը: Դրա համար պարոն Երիցյանի համակարգմամբ գործում է խումբ, կադրեր: Այո, մենք ունենք մեր տեսակետը, մեր պատկերացումը՝ ինչպես կարելի է թվայնացումը իրականացնել եւ կարող ենք անել»:
