Հայաստանն ու Թբիլիսին քննարկել են երկաթուղիների փոխգործակցությունը․ մանրամասներ
«Հարավկովկասյան երկաթուղի» ՓԲԸ գլխավոր տնօրեն Ալեքսեյ Մելնիկովի գլխավորած պատվիրակությունը օրերս այցելել է Թբիլիսի, որտեղ աշխատանքային հանդիպում է ունեցել Վրացական երկաթուղիների ներկայացուցիչների հետ՝ գլխավոր տնօրեն Դավիթ Փերաձեի գլխավորությամբ։
Հանդիպման ընթացքում մասնակիցները քննարկել են երկու երկրների երկաթուղիների փոխգործակցությանը վերաբերող մի շարք հարցեր:
Մասնավորապես, ամփոփվել են 2023 թվականի համատեղ աշխատանքի արդյունքները, քննարկվել են միջազգային երկաթուղային հաղորդակցությունում կոնտեյներային գնացքի կազմակերպման, 2024 թվականի ամառային սեզոնին սակագնային քաղաքականության բարելավման և ուղևորափոխադրումների կազմակերպման հարցեր։
Քննարկվել է ողևորատար գնացքների տոմսերի վաճառքի «Օրիոն 2» նոր համակարգի գործարկման հարցը:
