Բելառուսի տարածքով ռուսներին թիկունքից կրակելու թույլտվություն չենք տա. Լուկաշենկո
Բելառուսի նախագահ Ալեքսանդր Լուկաշենկոն ասել է, որ Մինսկը աջակցել և աջակցելու է Ռուսաստանին՝ որպես իր դաշնակցի։
«Մենք երբեք չենք թաքցրել դա։ Այն մեր դաշնակիցն է։ Մենք թույլ չենք տա, որ Բելառուսի տարածքով ռուսներին թիկունքից կրակեն. Մենք հավատարիմ ենք այս սկզբունքին, ամեն կերպ աջակցել ենք և աջակցելու ենք մեր դաշնակցին՝ ճիշտ այնպես, ինչպես ԱՊՀ-ի բոլոր պետությունները»,- ասել Է Լուկաշենկոն ԱՊՀ անվտանգության մարմինների և հետախուզական ծառայությունների ղեկավարների հետ հանդիպման ժամանակ։
Լուկաշենկոն նշել է, որ Բելառուսն ու Ռուսաստանն ունեն ամենասերտ ռազմաքաղաքական համագործակցությունը: Նա հավելել է, որ Մինսկն այս հարցում թափանցիկ քաղաքականություն է վարում։
Երկրի ղեկավարը նաև հայտարարել է, որ Բելառուսը չի թաքցնում ԱՊՀ գործընկերներից հետախուզական ուղիներով ստացված տեղեկատվությունը, կիսվում է դրանով և պատրաստ է շարունակել այդպես անել։
