Բաքուն քննադատել է Նիդերլանդներին՝ բռնահանված արցախցիներին աջակցող հայտարարության համար

Ադրբեջանի ԱԳՆ-ն քննադատել է Նիդերլանդների կառավարության հայտարարությունները, որտեղ նշվել է բռնահանված արցախցիների աջացկության մասին․

Հիշեցնենք՝ Նիդերլանդների թագավորությունը ավելի վաղ հայտարարել էր Հայաստանին օգնություն հատկացնելու մասին․ «Արտոնյալ ֆինանսավորման համաշխարհային հիմնադրամի միջոցով Նիդերլանդներն աջակցում է միջին եկամուտ ունեցող երկրներին, որոնք ընդունում են մեծ թվով փախստականներ, սակայն սովորաբար իրավասու չեն զարգացման բանկերի արտոնյալ ֆինանսավորման համար: Հայաստանն այդ երկրների շարքում է ու սեպտեմբերից Լեռնային Ղարաբաղից ավելի քան 100 հազար բնակիչ է ընդունել»,- նշվում էր հաղորդագրության մեջ։

Բաքվից նիդերլանդական կողմին կոչ են արել վերջ դնել նման հայտարարություններին, որոնք իբր խոչընդոտում են տարածաշրջանի հետագա զարգացմանն ու առաջընթացին։