Հասարակություն

ՌԴ-ում առաջին անգամ քաղաքացիությունից զրկել են հանցագործության համար

ՌԴ-ում առաջին անգամ քաղաքացիությունից զրկել են հանցագործության համար
Մոսկվայում թմրամիջոցների ապօրինի շրջանառության համար քրեական հետապնդման ենթարկված երկու տղամարդ զրկվել են Ռուսաստանի քաղաքացիությունից։ Այս մասին հայտնում է ՌԴ ՆԳՆ մամուլի…

Մոսկվայում թմրամիջոցների ապօրինի շրջանառության համար քրեական հետապնդման ենթարկված երկու տղամարդ զրկվել են Ռուսաստանի քաղաքացիությունից։ Այս մասին հայտնում է ՌԴ ՆԳՆ մամուլի ծառայությունը։ Տղամարդիկ ՌԴ քաղաքացի էին դարձել օրենքով սահմանված կարգով։


Նրանցից մեկի մոտ հայտնաբերել են մեֆեդրոնի 19 փաթեթ, երկրորդի մոտ՝ նույն սինթետիկ թմրամիջոցի մեկ փաթեթ։ Նրանք պատասխանատվության են ենթարկվել թմրամիջոցների առանձնապես խոշոր չափերով ձեռքբերման, պահպանման, փոխադրման և արտադրության հոդվածով։


«Բացի այդ, որոշումներ են կայացվել այդ մարդկանց առնչությամբ դադարեցնել Ռուսաստանի Դաշնության քաղաքացիությունը։ Նրանցից առգրավվել են ռուսական վավեր անձնագրերը»,- հայտնում է գերատեսչության մամուլի ծառայությունը։


Հոկտեմբերից Ռուսաստանում գործում է օրենք, ըստ որի՝ ձեռք բերված քաղաքացիությունից զրկում են ՌԴ զինված ուժերի մասին կեղծիքներ տարածելու, բանակը վարկաբեկելու, ծանր հանցագործությունների, ինչպես նաև Ռուսաստանի ազգային անվտանգությանը վտանգ ներկայացնող գործողությունների, դասալքության, ծայրահեղականության կոչերի համար։

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7382) Միջազգային (3223) ԱՄՆ (2278) Ռուսաստան (2091) Իրան (1732) Ընտրություններ (1272) Ուկրաինա (820) Երևան (796) Իսրայել (758) Ադրբեջան (618) Փաշինյան (558) Եվրոպա (510) Ընդդիմություն (436) Թրամփ (427) Ազգային ժողով (407)

Radio Aurora

Լսել Radio Aurora

Գովազդային տարածք

300x250