Բայդենն ու Զելենսկին վաղը կհանդիպեն․ հայտնի է՝ ինչ են քննարկելու
ԱՄՆ նախագահ Ջո Բայդենը երեքշաբթի՝ դեկտեմբերի 12-ին կհանդիպի Ուկրաինայի նախագահ Վլադիմիր Զելենսզու հետ։ Այս մասին լրագրողներին ասել է Սպիտակ տան ռազմավարական հաղորդակցությունների հարցով համակարգող Ջոն Քիրբին՝ մանրամասնելով, որ նախագահները մտադիր են ի թիվս այլ հարցերի քննարկել նաև իրավիճակը մարտի դաշտում։
«Վաղը նախագահը Սպիտակ տանը կհանդիպի Զելենսկու հետ մի շարք քննարկումների համար: Մենք անհամբեր սպասում ենք այս այցին»,- ասել է Քիրբին։
Ինչպես մանրամասնել է Սպիտակ տան ներկայացուցիչը, հանդիպման ընթացքում Բայդենն ակնկալում է Զելենսկիից նորություններ լսել մարտի դաշտում առկա իրավիճակի մասին։ Նա նաև հավելել է, որ ԱՄՆ-ն մտադիր է շարունակել աջակցել Ուկրաինային, հատկապես՝ ձմռանը։
