ԱՄՆ-ում նախազգուշացրել են ՆԱՏՕ-ին սպասող «փլուզման ու մղձավանջի» մասին
Եվրոպայում վախենում են ՆԱՏՕ-ի փլուզումից՝ ԱՄՆ-ում Դոնալդ Թրամփի իշխանության գալու դեպքում, գրում է The New York Times-ը: «Եվրոպայում մեծ մտավախություններ կան, որ Թրամփի երկրորդ նախագահությունը կհանգեցնի դաշինքի կազմից Միացյալ Նահանգների փաստացի դուրսբերմանը», - պարբերականը մեջբերում է ՆԱՏՕ-ի նախկին գլխավոր քարտուղար Ջեյմս Ստավրիդիսի խոսքերը: Նրանց խոսքով՝ այդ մտադրությունների մասին է վկայում Սպիտակ տան նախկին ղեկավարի նախընտրական ծրագիրը։
«Մենք պետք է ավարտենք ՆԱՏՕ-ի նպատակի և առաքելության հիմնարար վերագնահատման գործընթացը, որը մենք սկսել ենք իմ վարչակազմի ներքո», - լրագրողները մեջբերում են Թրամփի դիրքորոշումը: Հոդվածում նշվում է, որ նման ձևակերպումն անհանգստություն է առաջացրել ԱՄՆ եվրոպացի դաշնակիցների մոտ:
«Դա հսկայական անորոշություն եւ անհանգստություն է առաջացրել եվրոպական դաշնակիցների եւ երկրի ավանդական արտաքին քաղաքական դերի ամերիկյան կողմնակիցների շրջանում», - նշված է նյութում: The New York Times-ն հավելել է, որ եվրոպական դեսպաններն ու վերլուծական կենտրոնների ներկայացուցիչները «ուխտագնացություն» են կատարում Թրամփի համախոհների մոտ՝ նրա մտադրությունների մասին տեղեկանալու համար:
Ի դեպ, ԱՄՆ նախագահ Ջո Բայդենն էլ նախկին նախագահ Դոնալդ Թրամփի հնարավոր հաղթանակը 2024 թվականի ընտրություններում «ԱՄՆ-ում ժողովրդավարությանը սպառնալիք» է անվանել:
