Մարիա Զախարովան նշել է «ուկրաինական ճգնաժամի» լուծման պայմանները
Կիևը պետք է դադարեցնի ռազմական գործողությունները և դուրս բերի իր զորքերը ռուսական տարածքից։ Այս մասին ֆրանսիական լրատվամիջոցներին ասել է Ռուսաստանի ԱԳՆ պաշտոնական ներկայացուցիչ Մարիա Զախարովան՝ պատասխանելով ուկրաինական ճգնաժամի լուծման հնարավոր տարբերակների մասին հարցին։
«Անհրաժեշտ է հաստատել Ուկրաինայի չեզոք, արտադաշինքային և ոչ միջուկային կարգավիճակը, իրականացնել նրա ապառազմականացումն ու ապաազգայնացումը, ճանաչել նոր տարածքային իրողությունները, ապահովել այդ երկրում բնակվող ռուսալեզու քաղաքացիների և ազգային փոքրամասնությունների իրավունքները», - նշել է գերատեսչության ներկայացուցիչը: Նրա խոսքով՝ Ուկրաինայում կայուն խաղաղություն հնարավոր է միայն այն դեպքում, եթե Արևմուտքը դադարի իրեն զենք փոխանցել։
