Թուրքիան պատասխանատվություն կստանձնի հետագա արյունահեղությունը, արցունքները կանխելու համար․ Էրդողան
Թուրքիայի նախագահ Ռեջեփ Թայիփ Էրդողանն Արևմուտքին մեղադրել է Գազայի հակամարտության կրակին յուղ լցնելու մեջ: Նրա խոսքով՝ Անկարան պատրաստ է պատասխանատվություն ստանձնել հետագա արյունահեղությունը կանխելու համար: Տեղեկությունը փոխանցում է ՌԻԱ Նովոստին։
«Գազայում կայուն խաղաղության հաստատման գործընթացում յուրաքանչյուր կորցրած օրվա համար վճարում են անմեղ պաղեստինցիները, այլ ոչ թե կրակին յուղ լցնող Արեւմուտքի բնակիչները»,- ասել է Թուրքիայի առաջնորդը՝ ելույթ ունենալով TRT World Forum 2023 համաժողովում:
Նրա խոսքով՝ միջազգային կազմակերպությունները, որոնք պատասխանատու են գլոբալ խաղաղության և անվտանգության ապահովման համար, «չունեն խնդիրների լուծման հնարավորություններ»:
«Թուրքիան պատրաստ է պատասխանատվություն ստանձնել հետագա արյունահեղությունը, ավերածություններն ու արցունքները կանխելու համար»,- հայտարարել է Թուրքիայի առաջնորդը:
