Պեսկովը՝ նախագահական ընտրություններում Պուտինի մասնակցության մասին

Կրեմլի պաշտոնական ներկայացուցիչ Դմիտրի Պեսկովին լրագրողները ճեպազրույցի ժամանակ հարցրել են, թե արդյոք Ռուսաստանի նախագահ Վլադիմիր Պուտինը մտադիր է մասնակցել առաջիկա ընտրություններին: Տեղեկությունը փոխանցում է gazeta.ru-ն։

Ավելի վաղ Դաշնության խորհուրդը Ռուսաստանի նախագահի ընտրությունները նշանակել էր 2024 թվականի մարտի 17-ին։ Ընդ որում, հեռակա էլեկտրոնային քվեարկությունը տեղի կունենա միայն երկրի այն շրջաններում, որտեղ այն անցկացվել է ավելի վաղ՝ ռիսկերից խուսափելու համար:

«Մինչ այժմ Պուտինի հայտարարությունը չի եղել, եկեք զինվենք համբերությամբ», - ասել Է Կրեմլի ներկայացուցիչը՝ պատասխանելով համապատասխան հարցին:

Պեսկովին հարցրել են նաև, թե ինչպես է Կրեմլը ցանկանում տեսնել նախագահական քարոզարշավի ընթացքն ու արդյունքը, այսինքն՝ թեկնածուների որ թիվը, մասնակցությունը և հաղթողի օգտին տոկոսը համարում են օպտիմալ:

Մամուլի խոսնակը պատասխանել է, որ այդ հարցն անտեղի է համարում։ Նա ընդգծել է, որ ՌԴ Սահմանադրությամբ բոլոր իրավունքները վերապահված են բոլոր քաղաքացիներին՝ նախընտրական քարոզարշավի համատեքստում: