Եկել եք էստեղ ներկայանում եք որպես կոռուպցիայի դեմ պայքարողներ․ Կոնջորյանը՝ ընդդիմադիրներին

2015 թվականին Հայաստանում ստեղծվեց Կոռուպցիայի դեմ պայքարի խորհուրդ և տեսնես ո՞վ էր այդ խորհուրդի նախագահը՝ Հովիկ Աբրահամանը:   Այս մասին այսօր ԱԺ-ում ասել է «Քաղաքացիական պայմանագիր» խմբակցության ղեկավար Հայկ Կոնջորյանը:

«Նախկին իշխանության ժամանակ Հովիկ Աբրահամյանը Կոռուպցիայի դեմ պայքարի խորհուդի նախագահն էր, այսօր Դատախազությունը նրանից հայցադիմումով պահանջում է 59 անշարժ գույք, 21 միլիարդ դրամ, և սա դեռ ամենը չէ:

Կոռուպցիայի դեմ պայքարի խորհրդի անդամներից էր այն ժամանակ ֆինանասների նախարար Գագիկ Խաչատրյանը, այսօր Դատախազությունը նրանից ապօրինի ծագման գույքի մասին օրենքով հայցադիմումով պահանջում է 50 միլիարդ դրամ, 210 անշարժ գույք, և այլն:

Այս ամենին գումարում ենք «Հայաստան դաշինքի» առաջնորդ Ռոբերտ Քոչարյանին վերագրվող Դատախազությունից պահանջվող ապօրինի գույքը և 36 միլիոն դրամը: Միայն այս 3 պաշտոնիայի գումարային արժեքը կազմում է 107 միլիարդ դրամ: Մենակ 107 միլիոն դրամ դատախազությունը ձեզանից պահանձում է վերադարձնել պետությանը: 

Դուք այսօր եկել եք այստեղ ներկայանում եք որպես կոռուպցիայի դեմ պայքարողներ»,- մանրամասնել է նա: