Ապարանում նոր բազմաբնակարան շենք ենք կառուցել. 43 ընտանիքի բնակարան կնվիրենք. Գնել Սանոսյան
Կառավարությունն իր այսօրվա՝ դեկտեմբերի 7-ի նիստում բնակելի տարածքներ նվիրելու մասին որոշում կայացրել:
ՏԿԵ նախարար Գնել Սանոսյանը ներկայացնելով նախագիծը՝ ասաց. «Ապարան քաղաքի Բաղրամյան-43 եւ Գարեգին Նժդեհի-7 հասցեներում գտնվող վթարային շենքերի փոխարեն Գարեգին Նժդեհի 36 հասցեում ամբողջովին պետական միջոցներով, շուրջ 682 մլն դրամ, կառուցվել նոր բազմաբնակարան շենք՝ 43 բնակարաններով: Ընդ որում, նախկին 2 շենքերը 38 բնակարան էին: Նախկին երկու շենքերը 1800 քմ էին, նոր շենքը՝ մոտ 2700 քմ, ինչը նշանակում է, որ գրեթե բոլոր բնակարանատերերը իրենց նախկին բնակմակերեսից ավելի մեծ մակերեոսով բնակարաններ կստանան: Շենքի կառուցումն ավարտված է, այն հանձնված է պետական գույքի կոմիտեի տնօրինությանը: Արդեն կարող ենք բնարակարանները բաշխել:
Եթե անձը նախկինում երկու սենյակ ուներ, հիմա էլ երկու սենյակ կունենա, ուղղակի մակերեսը՝ մեծ: Այս որոշման արդյունքում 43 ընտանիքների (108 անձ) բնակարան կնվիրենք: Այն 5 բնակարանները, որ ավել են, 3-ը կտրվի արցախյան պատերազմում զոհվածների ընտանիքներին, երկուսը՝ երկրաշարժից տուժած ընտանիքների»:
Քաղաքաշինության կոմիտեի նախագահ Արմեն Ղուլարյանը մանրամասներ, որ առկա է մեկ սենմյականոց 16 բնակարան, երկու սենյականոց՝ 14, երեք սենյականոց՝ 12 բնակարան եւ չորս սենյականոց 1 բնակարան:
Վարչապետ Փաշինյանն էլ հետաքրքրվեց.«Շինարարությունը մե՞ր հսկողության տակ է իրականացվել, որակն ընդուվա՞ծ է։ Ի՞նչ վիճակում են բնակարանները հանձնվում մարդկանց»։
Քաղաքաշինության կոմիտեի ղեկավարը վստահեցրեց, որ շենքի հիմքերն ամրացված են և համապատասխանում են որակին։
