Բաքվի արձագանքը՝ խաղաղության պայմանագրի շուրջ Երևանի վերջին առաջարկներին․ Սաֆարյանը պատասխանում է
Խաղաղության պայմանագրի վերջին տարբերակի շուրջ պաշտոնական Երևանի առաջարկներին Բաքուն դեռ չի պատասխանել: Այս մասին ԱԺ-ում լրագրողների հետ ճեպազրույցում, ասել է փոխարտգործնախարար Մնացական Սաֆարյանը։
«Երբ պատասխան լինի, կնշենք»,-պատասխանել է Սաֆարյանը։
Նա նաև հրաժարվել է օրերս տեղի ունեցած հայ-ադրբեջանական սահմանազատման և սահմանագծման հանձնաժողովի անդամների հանդիպումից մանրամասներ հայտնել։
Հիշեցնենք՝ նոյեմբերի 21-ին հայկական կողմը ադրբեջանական կողմին է փոխանցել Հայաստանի և Ադրբեջանի միջև խաղաղության պայմանագրի վերաբերյալ իր 6-րդ առաջարկը։
