«Հեզբոլլահը» կկործանի Լիբանանը, եթե պատերազմ սկսի Իսրայելի հետ. Նեթանյահուն

Իսրայելի վարչապետ Բենյամին Նեթանյահուն կրկին զգուշացրել է լիբանանյան «Հեզբոլլահ» շարժմանը պատերազմի մեջ չմտնել:

«Եթե «Հեզբոլլահը» սխալ թույլ տա և լայնամասշտաբ պատերազմի մեջ մտնի, ապա իր ձեռքերով կոչնչացնի Լիբանանը»,-ասել է Նեթանյահուն մամուլի ասուլիսի ժամանակ։

Ինչպես հայտարարել է երկրի վարչապետը, ՑԱԽԱԼ-ը մշտապես գործում է հյուսիսում «Հեզբոլլահի» դեմ: Նա նաև հայտարարել է, որ բանակը ոչնչացնում է ահաբեկչական ջոկատները, նրանց հետ է մղում սահմանից ավելի հեռու, ինչպես նաև ոչնչացնում է զինամթերքը: Նա խոստացել է շարունակել զսպել «Հեզբոլլահին» Գազայի հատվածում գործողության ընթացքում:

«Հեզբոլլահն» աջակցում է Համասին Գազայի հատվածում Իսրայելի հետ պատերազմի ժամանակ։ Հակամարտության սկզբից ի վեր ավելի քան 1 հազար հրթիռ է արձակվել Իսրայելի ուղղությամբ Լիբանանից, հայտնել է Իսրայելի պաշտպանության նախարար Յոավ Գալանտան։ Իսրայելի պաշտպանության բանակը պատասխան հարված է հասցնում: