Քաղաքացիներն ինչպե՞ս ամրակապվեն, եթե ոստիկանները չեն ամրակապվում․ Իոաննիսյան

Ոստիկանները չեն ամրակապվում, քաղաքացիներն ինչպե՞ս ամրակապվեն։ Այս մասին «Ոստիկանության դերը ճանապարհային երթևեկության անվտանգության ապահովման գործում» թեմայով հանրային քննարկման ընթացքում ասաց ԻՔՄ ծրագրերի համակարգող Դանիել Իոաննիսյանը։

«Դժվար է քաղաքացիներից ակնկալել, որ ամրակապվեն, եթե ոստիկանները չեն ամրակապվում։ Օրենսդրությունը ենթադրում է, որ բնակավայրում ոստիկանները կարող են չամրակպվել, ընդ որում, դա չի նշանակում, որ նրանք երբեք չպետք է ամրակապվեն, իսկ բնակավայրից դուրս պետք է ամրակապվեն»,-ասաց Իոաննիսյանը։

Նա հարց ուղղեց բոլորին․ «երբ եք վերջին անգամ ամրակապված ոստիկան տեսել» և ինքն էլ պատասխանեց․ «համարյա չեն ամրակապվում, իրենք (նկատի ունի ոստիկանները) էլ են համարում, որ ամրակապվելը ավելորդ է»։

Այսօր ընթանում էր «Ոստիկանության դերը ճանապարհային երթևեկության անվտանգության ապահովման գործում» թեմայով հանրային քննարկումը, որի բանախոսներն են՝ ԱԺ պատգամավոր Սիսակ Գաբրիելյանը, ԱԺ պատգամավոր Արսեն Թորոսյանը, Պարեկային ծառայության պետ, գնդապետ Արթուր Խուդինյանը, քաղաքացիական ակտիվիստ Արտակ Գաբոյանը, ԻՔՄ ծրագրերի համակարգող Դանիել Իոաննիսյանը: