ԼԳԲՏ շարժումը Ռուսաստանում արգելվեց
Ռուսաստանի Դաշնության Գերագույն դատարանը ԼԳԲՏ միջազգային հասարակական շարժումը ճանաչել է որպես ծայրահեղական կազմակերպություն և արգելել այն Ռուսաստանում: Այս մասին հայտնում է РИА Новости-ի թղթակիցը։
«Պահանջները պետք է բավարարվեն՝ ԼԳԲՏ միջազգային հասարակական շարժումը ճանաչել որպես ծայրահեղական կազմակերպություն և արգելել նրա գործունեությունը Ռուսաստանում»,- հայտարարել է դատավորը։
Նա հավելել է, որ որոշումը պետք է «անհապաղ իրագործվի»։
Ինչպես լրատվամիջոցին պարզաբանել է դատարանի մամուլի ծառայությունը, նիստին մասնակցել է միայն Արդարադատության նախարարության ներկայացուցիչը, ամբաստանյալի կողմից դատարանում ներկայացուցիչ չի եղել։ Հանդիպումն անցկացվել է դռնփակ, տևել է ավելի քան չորս ժամ, իսկ գործի նյութերը կազմել են ավելի քան 20 հատոր։
