«ՀԱՄԱՍ-ի յուրաքանչյուր ահաբեկիչ մահվան որդի է Երուսաղեմում». Նեթանյահուն մեղադրել է ՀԱՄԱՍ-ին
Իսրայելի վարչապետ Բենիամին Նեթանյահուն մեղադրել է պաղեստինյան ՀԱՄԱՍ շարժմանը Երուսաղեմում այսօր տեղի ունեցած ահաբեկչության և Գազայի հատվածում ու Հորդանան գետի արևմտյան ափում տեղի ունեցող իրադարձությունների համար։
Հիշեցնենք, որ այսօր առավոտյան երկու զինված ահաբեկիչներ կրակ են բացել ավտոբուսի կանգառում կանգնած խաղաղ բնակիչների վրա։ Հարձակվողները տեղում վնասազերծվել են։ Ինչպես հայտնում են իսրայելական հեռուստաալիքները՝ վկայակոչելով բժիշկներին, ահաբեկչության հետևանքով կա 3 զոհ, իսկ հինգ մարդ տարբեր աստիճանի վնասվածքներ է ստացել։
«ՀԱՄԱՍ-ի յուրաքանչյուր ահաբեկիչ մահվան որդի է Երուսաղեմում, Գազայում, Հորդանան գետի Արևմտյան ափին, ամենուր»,- ասել է Նեթանյահուն։
