Ֆինլանդիան խզել է Ռուսաստանի հետ սահմանային համագործակցության մասին պայմանագիրը

Ֆինլանդիայի կառավարությունն այսօր կայացած նիստում խզել է Ռուսաստանի հետ սահմանային համագործակցության մասին պայմանագիրը։ Այս մասին հայտնում է ՌԻԱ Նովոստին՝ մեջբերելով կառավարության հրապարակած որոշումը:

Ավելի վաղ՝ հոկտեմբերի 20-ին, ՌԴ վարչապետ Միխայիլ Միշուստինը Ֆինլանդիայի հետ սահմանային համագործակցության աջակցության համաձայնագիրը դադարեցնելու մասին կարգադրություն էր ստորագրել, որն ուժի մեջ կմտնի 2024 թվականի հունվարի 24-ին։

Ֆինլանդիայի կառավարությունը որոշել է փակել ՌԴ-ի հետ սահմանին լրացուցիչ անցակետերը: Ֆիննական կառավարությունը հայտնում է, որ հոկտեմբերի 25-ին ստացել է ՌԴ ԱԳՆ նոտան այդ կապակցությամբ և պաշտպանում է այդ պայմանագրի գործողության դադարեցման մասին սեփական որոշումը:

«Պետական խորհուրդը որոշում է կայացնում Ֆինլանդիայի Հանրապետության և Ռուսաստանի Դաշնության կառավարության միջև երկրների միջև սահմանային համագործակցության զարգացման մասին համաձայնագիրը չեղյալ հայտարարելու մասին»,- ասվում է հաղորդագրության մեջ:

Համապատասխան որոշումն ուժի մեջ կմտնի 2024 թվականի հունվարի 24-ին: