ՏԵՍԱՆՅՈՒԹ․ Մանրամասներ՝ Երևանում այսօր տեղի ունեցած պատահարից

Մանրամասներ են հաղորդվում Երևանի Մալաթիա Սեբաստիա 129 հասցեում այսօր տեղի ունեցած պատահարից։ Դեպքի վայրից  NEWS.am-ի թղթակիցը հաղորդում է, որ ռուս զինվորականն «Ուրալով» (համարանիշը՝ 2887YO94) դուրս է եկել հանդիպակաց գոտի, բախվել է կոսմետիկայի խանութի պատին, փլուզել այն, այնուհետև հետընթաց կատարելիս բախվել մայթեզրի ծառին ու արմատախիլ արել այն։ 

Կադրերում երևում է, որ պատի փլուզման հետևանքով քարերը թափվել են խանութի մեջ։

Լրատվականից տեղեկացնում են, որ վարորդը լուսադեմին շտապ օգնությունով տեղափոխվել է հիվանդանոց, որոշ ժամանակ անց դուրս գրվել։

Վթարի հետևանքով զոհեր չկան։