ՏԵՍԱՆՅՈՒԹ․ 15 զինծառայողների տեղափոխող «Կամազ»-ը Սյունիքում կողաշրջվել է․ մանրամասներ․ ԶԼՄ
Այսօր ավտովթար է տեղի ունեցել Սյունիքի մարզում: Ժամը 16:10-ի սահմաններում КамАЗ մակնիշի ավտոմեքենան Վերին Խոտանան բնակավայրի վերջնամասում, դեռևս անհայտ հանգամանքներում, դուրս է եկել երթևեկելի գոտուց և մասամբ կիսակողաշրջված վիճակում հայտնվել բնակչի տան երկաթե դարպասների մոտ:
Ֆոտոլրագրող Գագիկ Շամշյանը հաղորդում է, որ վթարի հետևանքով 7 հոգի տեղափոխվել են հիվանդանոց:
Շամշյանի տեղեկություններով` КамАЗ-ը հաշվառված է ՀՀ ՊՆ հաշկեշռում, որում եղել են 15 զինծառայող, վնասվածքներ են ստացել 7-ը, նրանց կյանքին վտանգ չի սպառնում:
Դեպքով զբաղվում է ՀՀ Քննչական կոմիտեի զինվորական քննչական գլխավոր վարչության Սյունիքի կայազորի քննչական բաժինը, որտեղ պարզում են վարորդի և վիրավորների ինքնությունը:
Auroranews-ը փորձում է տեղեկություններ պարզել։
