«ԱՄՆ քաղաքականության փոփոխություն՝ Իսրայելի նկատմամբ»․ Բայդենի գրառումը տարակուսանք է առաջացրել

ԱՄՆ նախագահ Ջո Բայդենը X-ի իր միկրոբոլգում գրել է ՀԱՄԱՍ-ի և պատերազմի մասին։ BBC ռուսական ծառայության փոխանցմամբ՝ համաշխարհային մամուլն ու սոցիալական ցանցերը հետաքրքրվում են, թե ինչ նկատի ուներ նա։ Թվիթի ձևակերպումը սոցցանցերում և համաշխարհային մամուլում տարակուսանք է առաջացրել, թե արդյոք սա ԱՄՆ քաղաքականության փոփոխություն է Իսրայելի նկատմամբ, թե, օրինակ, նախընտրական քարոզարշավի մաս։

Թվիթերը, որը տեղադրվել է Բայդենի անձնական էջում, այլ ոչ թե ԱՄՆ նախագահի պաշտոնական X-ի միկրոբոլգում, սկսվում այն պնդմամբ, որ ՀԱՄԱՍ-ը հոկտեմբերի 7-ին հարձակում է իրականացրել Իսրայելի վրա, քանի որ ամենից շատ վախենում էր իսրայելցիների և պաղեստինցիների միջև խաղաղությունից:

«Շարունակել ահաբեկչության, բռնության, սպանությունների և պատերազմի ճանապարհը նշանակում է ՀԱՄԱՍ-ին տալ այն, ինչ նա ցանկանում է: Մենք չենք կարող դա անել»,- շարունակել է Բայդենն իր գրառման մեջ։

BBC-ի թղթակից Թրեյսի Բիչեմը նշում է, որ այս գրառման տոնայնությունը շատ տարբեր է Վաշինգտոնի պաշտոնական հայտարարություններից, որոնք պաշտպանում են Իսրայելի դիրքորոշումը, որ պատերազմը չի կարող դադարեցվել, քանի դեռ ՀԱՄԱՍ-ը չի ոչնչացվել կամ գոնե արտաքսվել Գազայի հատվածից:

«Անհասկանալի է․ արդյո՞ք Բայդենը, երբ պատրաստվում է հաջորդ տարի ընտրություններին, դիմում է իր ներքին լսարանի ավելի թերահավատ հատվածին, որը քննադատում է իր վարչակազմին Իսրայելին անվերապահ աջակցության համար», - ասել է Բիչեմը:

«Ալ Ջազիրա» Վաշինգտոնի թղթակից Փեթի Քուլհեյնը նույնպես նշում է, որ Բայդենը մինչ այժմ Գազայի պատերազմի մասին խոսել է բոլորովին այլ տոնով։

«Իսկ հիմա, եթե դուք իրականում նայեք այս հայտարարությանը, նա ասում է. «ՀԱՄԱՍ-ը պատերազմ է ուզում, մենք չենք կարող դա թույլ տալ»: Նա նկատի ունի՞, որ պատերազմը պետք է դադարեցվի», - պնդում է Al Jazeera-ի թղթակիցը և եզրակացնում, որ Բայդենի հայտարարությունը կարծես քաղաքականության փոփոխության ազդանշան է, բայց նաև շատ հարցեր է առաջացնում։