ՏԵՍԱՆՅՈՒԹ․ Ոստիկանները բաժին տարան «Զանգի» ակտիվիստներին ու նրանց վրանը․ լարված իրավիճակ՝ Երևանի կենտրոնում
«Զանգ» շարժման անդամները իրազեկման ակցիա էին իրականացնում Սարյան փողոցով՝ վանկարկելով «Մենք հնազանդ չենք, մենք համաձայն չենք»։ Ոստիկանները նրանցից պահանջել են մայթով իրականացնել ակցիան։
Մասնակիցները նշեել են, որ մայթերով անհարմար է իրականացնել ակցիան, պահանջեցին ապահովել երթի՝ երթևեկելի գոտով անցնելու հնարավորությունը մինչև այն պահը, երբ հնարավոր լինի իրականացնել մայթերով։
Ոստիկանները նաև ակցիայի մասնակիցներից խլել են վրանը և դրեցին ոստիկանական մեքենան:
Նշենք, որ նախաձեռնության անդամները իրազեկման ակցիա էին իրականացնում Կենտրոնի փողոցներում, այնուհետեւ պետք է վրան տեղադրեին Հանրապետության հրապարակում:
