Իսրայելի և պաղեստինյան արմատական ՀԱՄԱՍ խմբավորման միջև զինադադարի համաձայնագրի ուժի մեջ մտնելուց 15 րոպե անց ժամը 7:15-ին Գազայի հատվածից գնդակոծվել են Էյն ՀաՇլոշա և Կիսուֆիմ գյուղերը։

Հավելենք, որ Նոյեմբերի 24-ին ժամը 7:00-ին (Երևանի ժամանակով 9:00) ուժի մեջ է մտել իսրայելական բանակի և Գազայի հատվածը կառավարող պաղեստինյան ՀԱՄԱՍ շարժման միջև քառօրյա զինադադարը:

Դրա շրջանակներում օրական Գազայի հատված կմտնի 200 մարդասիրական բեռնատար, որից չորսը՝ վառելիքով ու կենցաղային գազով։ Բացի այդ, ՀԱՄԱՍ-ը հայտարարել է, որ Իսրայելի հետ պայմանավորվել է անկլավի հարավային մասում չորս օրով, իսկ հյուսիսային մասում վեց ժամով՝ ժամը 10:00-ից մինչև 16:00-ն ամբողջությամբ դադարեցնել իր ավիացիոն թռիչքները: