ՑԱԽԱԼ–ը գրավել է Գազայում ՀԱՄԱՍ-ի հետախուզական գրասենյակները
Իսրայելի պաշտպանության բանակի օդադեսանտային ուժերը ռեյդեր են իրականացրել Գազա քաղաքի Թել ալ-Հավա շրջանում պաղեստինյան ՀԱՄԱՍ շարժման ավանպոստի և հետախուզական գրասենյակի վրա։ Այս մասին նոյեմբերի 22-ի երեկոյան X սոցիալական ցանցում հայտնել է Իսրայելի պաշտպանության բանակը։
«Պարաշյուտադեսանտային բրիգադի մարտական խմբի անդամները ռեյդեր են իրականացնում Իսա և Թել էլ-Հավա շրջաններում»,– նշվում է հաղորդագրության մեջ:
Հստակեցվում է, որ գործողության արդյունքում իսրայելցի զինվորները հավաքել են հետախուզական և տեխնիկական նյութեր, ինչպես նաև տեղեկություններ պաղեստինյան շարժման ստորգետնյա ենթակառուցվածքների մասին։
