ՀԱՄԱՍ–ն ու Իսրայելը քառօրյա զինադադարի պայմանավորվածություն են ձեռք բերել
Պաղեստինյան ՀԱՄԱՍ շարժումը և Իսրայելը պայմանավորվել են չորս օրով ապահովել պաղեստինցիների ազատ տեղաշարժը Գազայի հատվածի հյուսիսից հարավ։ Այս մասին տեղեկություն է հայտնվել պաղեստինյան շարժման թելեգրամյան ալիքում։
«Զինադադարի ընթացքում օկուպացիոն ուժերը պարտավորվում են ապահովել
քաղաքացիների ազատ տեղաշարժը հյուսիսից հարավ Սալահ ալ-Դինհ մայրուղու ողջ երկայնքով»,
- ասվում է հայտարարության մեջ:
Միևնույն ժամանակ ՀԱՄԱՍ-ը նաև խոստացել է հարձակումներ և ձերբակալություններ չկատարել Գազայի հատվածի բոլոր շրջաններում։ Ավելի վաղ ՀԱՄԱՍ-ը հաստատել էր, որ համաձայնության է եկել Իսրայելի հետ քառօրյա զինադադարի շուրջ։ Հայտնի է դարձել նաև, որ Իսրայելը կհրապարակի ազատ արձակվող բանտարկյալների անունները։
