Մեր զինվորականները ձեզ ճիշտը կասեն. Զախարովան` ֆրանսիական զենքի մասին

Երևանի խաղադրույքը Արևմուտքի վրա ձախողվել է: Այս մասին հայտնել է ՌԴ ԱԳՆ խոսնակ Մարիա Զախարովան:

«Չնայած խաղաղության պայմանագրի շուրջ բանակցությունների վերաբերյալ առաջարկներին, դրանք դեռ սառեցված են։

Ֆրանսիական զենքի մատակարարման օգուտների մասին փաստարկները նույնպես միամիտ են թվում՝ եթե դրանք ցուցադրվեն հրապարակներում, իմաստ ունի, բայց եթե նայեք դրանց արդյունավետությանը, մեր զինվորականները ձեզ ճիշտը կասեն: Ուկրաինայում դրանք ցույց են տվել իրենց ցածր արդյունավետությունը»,- ասել է Զախարովան։

Զախարովան նաև հայտարարել է, որ Հայաստանը ցուցադրում է իր արտաքին քաղաքականությունը արմատապես վերակողմնորոշելու իր մտադրությունը: