Երևանում Հնդկաստանի քաղաքացին քարով վնասել է մարդատար ավտոբուսը, որում ուղևորներ են եղել. ԶԼՄ
Երևանում հերթական անգամ վնասել են Երևանի քաղաքապետարանի հաշվեկշռում հաշվառված մարդատար
ավտոբուսը: Այս մասին գրում է Shamshyan.com–ը:
«Նոյեմբերի 11-ին ՀՀ
Ներքին գործերի նախարարության ոստիկանության Էրեբունու բաժին է դիմել Կոտայքի մարզի
բնակիչ 41-ամյա Արման Խ.-ն, ով հայտնել է, որ ինքը աշխատում է «Երևան ավտոբուս» ՓԲԸ-ում
և իր Zhongtong մակնիշի ավտոբուսը, որի մեջ եղել են ուղևորներ, Նուբարաշենի խճուղում
վարելու ընթացքի ժամանակ անհայտ անձը քարով հարվածել և վնասել է ավտոբուսի ապակին»,– գրում է կայքը:
Նշվում է, որ վերջինս ոստիկաններին ասել է, որ քաղաքապետարանին պատճառվել է 280 հազար դրամի նյութական վնաս: Իրավապահները պարզել են ենթադրյալ կասկածյալի ինքնությունը, ով Հնդկաստանի Հանրապետության քաղաքացի 27-ամյա Սինգ Հարմադինն է:
Ոստիկանությունը ձեռնարկում
է անհրաժեշտ միջոցառումներ՝ Սինգին հայտնաբերելու ուղղությամբ:
