Իսրայելի զինվորականները պայթեցրել են պաղեստինյան ՀԱՄԱՍ շարժմանը պատկանող Գազայի հատվածում գտնվող խորհրդարանի շենքը։ Այս մասին հայտնում են իսրայելական լրատվամիջոցները:

Բացի այդ, ենթադրվում է, որ պայթեցվել է նաև մոտակայքում գտնվող բանտի շենքը։

Ավելի վաղ հայտնի է դարձել, որ Իսրայելի պաշտպանության բանակի զինվորները գրավել են Գազայի խորհրդարանի շենքը, և համացանցում հայտնվել են իսրայելցի զինվորների լուսանկարներ, որոնք դրոշներ են դրել ազգային ժողովի ամբիոնում։