Միացյալ Նահանգները պաշտոնապես հեռացրել է Սիրիան ահաբեկչությունը հովանավորող պետությունների ցանկից

Միացյալ Նահանգները պաշտոնապես հեռացրել է Սիրիան ահաբեկչությունը հովանավորող պետությունների ցանկից։ Պետքարտուղար Մարկո Ռուբիոն հայտարարել է, որ այս որոշումը նոր հնարավորություններ է բացում Հանրապետության տնտեսական վերականգնման և զարգացման համար։

«Թրամփի վարչակազմը շարունակում է առաջ մղել ԱՄՆ ազգային անվտանգության շահերը՝ ձգտելով ապահովել խաղաղություն և բարգավաճում Մերձավոր Արևելքում»,- շեշտել է Մարկո Ռուբիոն։

ԱՄՆ ֆինանսների նախարարությունն էլ չեղարկել է 2024 թվականի վերջին Սիրիայում իշխանության եկած «Հայաթ Թահրիր ալ-Շամ» շարժման նկատմամբ գործող պատժամիջոցները։

Սիրիան ահաբեկչությունը հովանավորող պետությունների ցանկում էր 1979 թվականից։ 2026-ի հուլիսի սկզբին Դոնալդ Թրամփը տեղեկացրել էր Կոնգրեսին, որ իր վարչակազմը մտադիր է փոխել Սիրիայի կարգավիճակը։

Դամասկոսը ողջունել է Վաշինգտոնի որոշումը՝ այն որակելով պատմական: Արտաքին գործերի նախարար Ասադ ալ-Շայբանին հայտարարել է, որ ահաբեկչությունը Բաշար Ասադի տապալված ռեժիմի քաղաքականությունն էր, այլ ոչ սիրիացիների ընտրությունը: