Իսրայելը պարտավոր է պաշտպանել Գազայի հատվածի խաղաղ բնակիչներին. Ջեյք Սալիվան

Իսրայելը միջազգային իրավունքի համաձայն պարտավոր է պաշտպանել Գազայի հատվածի խաղաղ բնակիչներին օդային հարվածների և ցամաքային մարտերի ժամանակ: Այս մասին հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը։

 

Միացյալ Նահանգները պահանջում է, որ Իսրայելին փոխանցված զենքն օգտագործվի «պատերազմի օրենքների» համաձայն՝ խաղաղ բնակիչներին հարձակումներից պաշտպանելու համար։ Սալիվանի խոսքով՝ Վաշինգտոնը նմանատիպ պահանջներ է ներկայացնում, երբ զենք է տեղափոխում այլ երկիր։

 

Նաև Ամերիկայի նախագահի ազգային անվտանգության հարցերով խորհրդականը պաղեստինյան ՀԱՄԱՍ շարժմանը մեղադրել է Գազայի հատվածում ամերիկացի քաղաքացիների և այլ օտարերկրացիների համար խոչընդոտներ ստեղծելու մեջ։

Քաղաքականություն