ՀԱՄԱՍ-ի պատվիրակությունը Մոսկվայում է
ՀԱՄԱՍ-ի պատվիրակությունն այցով ժամանել է Մոսկվա: Այս մասին հայտնում է ՌԻԱ Նովոստին:
Նշվում է, որ պատվիրակությունը գլխավորում է շարժման քաղբյուրոյի անդամ Աբու Մարզուկը։
Հիշեցնենք, որ Գազայի հատվածում հոկտեմբերի 7-ից մինչ օրս զոհերի թիվը գերազանցել է 7,000-ը: Իսրայելի և ՀԱՄԱՍ-ի միջև պատերազմը սկսվել է հոկտեմբերի 7-ին, երբ ՀԱՄԱՍ-ն անակնկալ հարձակում է գործել Իսրայելի տարածքի վրա՝ արձակելով հարյուրավոր հրթիռներ: Իսրայելի իշխանությունները պատասխանել են՝ պատերազմ հայտարարելով ՀԱՄԱՍ-ին և սկսել են Գազայի հատվածի լայնածավալ գնդակոծությունը։ Իսրայելը հայտնել է ավելի քան 1,4 հազար զոհի մասին։ Առաջիկայում իսրայելցի զինվորականները մտադիր են անցնել ռազմական գործողությունների նոր փուլ՝ լայնամասշտաբ ցամաքային գործողություն սկսելով Գազայի հատվածում։
