Հայտնի է Գազայի հատվածում զոհերի թիվը

Գազայի հատվածում իսրայելական հարվածների հետևանքով զոհերի թիվը գերազանցել է 7,3 հազարը, վիրավորվել է գրեթե 19 հազար մարդ։

«Հոկտեմբերի 7-ից ի վեր Գազայի հատվածի դեմ Իսրայելի ագրեսիայի զոհերի թիվը հասել է 7326-ի, այդ թվում՝ 3038 երեխա, 1726 կին և 414 տարեց, ևս 18967 քաղաքացի տարբեր աստիճանի վնասվածքներ է ստացել»,- ասվածէ Գազայի առողջապահության նախարարության հայտարարության մեջ:

Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին: