Համաշխարհային բանկը զգուշացնում է աշխարհին հնարավոր լուրջ վնասների մասին
Իսրայելի և ՀԱՄԱՍ-ի միջև պատերազմը կարող է լուրջ հարված հասցնել ամբողջ աշխարհում տնտեսական զարգացմանը, հայտարարել Է Համաշխարհային բանկի նախագահ Աջայ Բանգան` ելույթ ունենալով Սաուդյան Արաբիայում ներդրողների համաժողովում: Հայտնում է BBC-ի ռուսական ծառայությունը:
«Այն, ինչ տեղի է ունենում Իսրայելում և Գազայի հատվածում տնտեսական զարգացման համար լուրջ հետևանքների կհանգեցնի»,- ասել է Բանգան:
«Ես կարծում եմ, որ մենք գտնվում ենք շատ վտանգավոր փուլում: Պատերազմն արդեն հարվածել է Իսրայելի տնտեսությանը՝ ստիպելով Իսրայելի բանկին նվազեցնել աճի կանխատեսումները, և աշխարհում աճում են մտավախությունները, որ հակամարտությունը կարող է դուրս գալ ներկայիս սահմաններից և վերաճել տարածաշրջանային պատերազմի»,- հավելել է նա:
