«Սա չի տեղավորվում մարդկայնության չափանիշներում»․ Էրդողանի հայտարարությունը
Թուրքիայի նախագահ Ռեջեփ Թայիփ Էրդողանը անընդունելի և անմարդկային է անվանել Իսրայելի կոչը Գազայի բնակիչներին՝ հեռանալ հյուսիսային հատվածից։ Այս մասին հայտնում է Reuters-ը։
«Ստիպել Գազայի 2,5 միլիոն բնակիչներին` ծայրահեղ սահմանափակ տարածքում գաղթել` միջազգային իրավունքի ակնհայտ խախտում է, և սա չի տեղավորվում մարդկայնության չափանիշներում»,- ասել է Թուրքիայի ղեկավարը:
Էրդողանը հիշեցրել է, որ Գազայի հատվածում մի քանի օր շարունակ մարդիկ «ենթարկվել են անկանոն ռմբակոծությունների», ինչպես նաև զրկվել են էլեկտրականությունից, ջրից և սննդից։
Թուրքիայի նախագահը նաև հույս է հայտնել, որ Թել Ավիվը կշտկի այս իրավիճակը և կդադարեցնի իր գործողությունները Գազայում մարդկանց դեմ։
