Պուտինը՝ գործարար Ֆրիդմանի՝ Ռուսաստան վերադարձի մասին

ՌԴ նախագահ Վլադիմիր Պուտինը խոսել է գործարար Միխայիլ Ֆրիդմանի՝ Ռուսաստան վերադարձի մասին։ Նա ասել է, որ երկիրը լքած քաղաքացիները կարող էին խախտել բարոյական և էթիկական չափանիշները։

Պուտինի խոսքով, հայրենիք վերադարձող յուրաքանչյուրը կախված է նրանից, թե ինչպես է իրեն պահում. եթե նա խախտել է երկրում գործող օրենքները, ուրեմն պետք է պատասխան տա դրա համար։ Կարևոր չէ, թե որտեղ է նա՝ Ռուսաստանում, թե դրսում, համոզված է պետության ղեկավարը։ 

«Եթե ճնշող մեծամասնության, ոչ թե ինչ-որ վերնախավի, այլ քաղաքացիների ճնշող մեծամասնության գիտակցության մեջ մարդն անբարոյականություն է դրսևորել Ռուսաստանի նկատմամբ, ապա, իհարկե, դա կզգա, երբ վերադառնա այստեղ։ Էլ ինչպե՞ս»։ - հավելել է նախագահը։

Ավելի վաղ հայտնի էր դարձել, որ ռուս գործարար Միխայիլ Ֆրիդմանը Մեծ Բրիտանիայից մեկնել է Իսրայել, ապա այցելել Մոսկվա։ 

Հաղորդվել է նաև, որ գործարարին դավաճանության մեղադրանք է սպառնում։ Նրան ցանկանում էին ստուգել նաև Ուկրաինայի Զինված ուժերի ֆինանսավորման համար։