«Աշխարհի ոչ մի երկիր չի կարող համեմատվել Հայաստանի հետ տնտեսական աճի տեմպերով». Պեսկով
ԱՊՀ-ն պահպանում է իր արդիականությունը։ Այս մասին հայտարարել է Կրեմլի խոսնակ Դմիտրի Պեսկովը։
«Տեսեք Հայաստանի տնտեսության աճի տեմպերը։ Այո, աշխարհի ոչ մի երկիր չի կարող համեմատվել Հայաստանի հետ տնտեսական աճի տեմպերով․ այնտեղ, ես ինչքան գիտեմ, 15 տոկոս է։
Ավելի լավ ժամանակներում միայն Չինաստանն է դա ցույց տվել։ Դուք կարծում եք՝ դա հենց այնպե՞ս է։ Ոչ, դրանք ինտեգրացիայի արտադրանք են»,- ասել է Պեսկովը։
Հիշեցնենք՝ ավելի վաղ վարչապետ Նիկոլ Փաշինյանը նշել էր, որ ՀՀ-ը, ի հեճուկս բոլոր բարդությունների, շարունակում է մնալ բարձր տնտեսական աճի տիրույթում, և բոլոր կանխատեսումների համաձայն՝ 2023 թվականին նույնպես ՀՀ-ն կունենա բարձր տնտեսական աճ:
