Գազայի բնակիչները հացի համար ժամերով հերթ են կանգնում

Պաղեստինի Գազա քաղաքի բնակիչները հացի համար ժամերով հերթ են կանգնել, ճանապարհները փլուզված են, դեղատները չեն աշխատում, հայտնում է РИА Новости-ի թղթակիցը։ Պաղեստինցիներն արդեն մի քանի օր շարունակվող ներկայիս զինված էսկալացիան անվանում են իրենց ապրած «ամենածանր պատերազմը»։

«Իրավիճակը ծանր է, հացի փռերում երկար հերթեր են, հորս դեղորայք է պետք, բայց քաղաքի բոլոր դեղատները փակ են, մեկ ժամ է՝ փորձում ենք բաց դեղատուն գտնել; Սա մեր ամենածանր պատերազմն է։ Եվ սրանք դրա առաջին օրերն են»,- ասել է տեղացիներից մեկը, ով տասնյակ ուրիշների հետ հերթ է կանգնել հացի փռում: