Ադրբեջանը ցանկանում է վերսկսել Հայաստանի հետ խաղաղության բանակցությունները․ Ալիևի ներկայացուցիչ

Ադրբեջանը ցանկանում է վերսկսել բանակցությունները Հայաստանի հետ խաղաղության հասնելու համար։ Այդ մասին հայտարարել է Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը:
 

«Հայաստանի հայտարարություններն այն մասին, որ Ադրբեջանը պատրաստվում է նոր պատերազմի, լիովին անհիմն են»,- ֆրանսիական «Ռադիոֆրանս» ռ/կ-ին տված հարցազրույցում ասել է Ամիրբեկովը:
 

«Մենք հարգում ենք Հայաստանի տարածքային ամբողջականությունը, ինչպես և աշխարհի բոլոր մյուս երկրները», - ընդգծել է նա: