Իսրայելի որոշ որոշումներ հակասում են միջազգային իրավունքին. Բորել
Իսրայելն ունի ինքնապաշտպանության իրավունք, սակայն վերջին օրերին նրա ընդունած որոշ որոշումներ հակասում են միջազգային իրավունքին, երեքշաբթի լրագրողներին ասել է Եվրամիության արտաքին քաղաքականության պատասխանատու Խոսեպ Բորելը, հայտնում է Reuters-ը։
«Իսրայելն իրավունք ունի պաշտպանվելու, բայց դա պետք է արվի միջազգային իրավունքի, մարդասիրական իրավունքի համաձայն, և որոշ որոշումներ հակասում են միջազգային իրավունքին»,- ասել է Բորելը Օմանի մայրաքաղաք Մուսկատում ԵՄ ԱԳ նախարարների հանդիպումից հետո։
