Նեթանյահուն խոստացել է «փոխել Մերձավոր Արևելքը»
Իսրայելի վարչապետ Բենիամին Նեթանյահուն հայտարարել է, որ ՀԱՄԱՍ-ի դեմ պայքարն այնքան վճռական կլինի, որ կփոխի Մերձավոր Արևելքը, երկուշաբթի գրել է The Times of Israel-ը։
«Մենք ամեն ինչ կանենք ձեզ օգնելու համար: Ես խնդրում եմ ձեզ ուժեղ լինել, քանի որ մենք պատրաստվում ենք փոխել Մերձավոր Արևելքը»,- Իսրայելի հարավի քաղաքական գործիչներին ասել է Նեթանյահուն :
Նա ընդգծել է, որ ՀԱՄԱՍ-ը պատասխանատվության կենթարկվի այն բանի համար, թե ինչի միջով են ստիպված եղել անցնել իր հարձակումների տակ հայտնված Իսրայելի քաղաքացիները։ Ըստ Իսրայելի վարչապետի՝ ճակատամարտը նոր է սկսվել:
Հոկտեմբերի 7-ին Գազայի հատվածից հրթիռային հարվածներ են հասցվել Իսրայելի հարավային և կենտրոնական շրջաններին։ Տասնյակ պաղեստինցի զինյալներ Գազայից մտել են Իսրայելի տարածք։ Իր հերթին, Իսրայելի պաշտպանության բանակը հայտարարել է «Երկաթե սրեր» գործողության մեկնարկի մասին։ Իսրայելի իշխանությունները պաշտոնապես հայտարարել են, որ երկիրը գտնվում է պատերազմական իրավիճակում։
Հարյուրավոր մարդիկ զոհվել են, հազարավոր մարդիկ վիրավորվել են երկու կողմից:
