Բորելը ԵՄ արտգործնախարարների արտահերթ նիստ է հրավիրել
ԵՄ դիվանագիտության ղեկավար Ժոզեպ Բորելը ԵՄ անդամ երկրների ԱԳՆ ղեկավարների արտահերթ նիստ է հրավիրում Մերձավոր Արևելքում տիրող իրավիճակի պատճառով:
«Վաղը ես ԵՄ–ի արտաքին գործերի նախարարների արտակարգ խորհրդակցություն եմ հրավիրում՝ քննարկելու իրավիճակը Իսրայելում և տարածաշրջանում», - գրել է Բորելը X սոցցանցում:
Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։
