Կրեմլում տեղյակ չեն՝ Փաշինյանը կմեկնի՞ Բիշքեկ, թե ոչ
Կրեմլն ակնկալում է, որ Փաշինյանը կմասնակցի հոկտեմբերի 13-ին Բիշքեկում կայանալիք ԱՊՀ գագաթնաժողովին։ Այդ մասին ասել է ՌԴ նախագահի օգնական Յուրի Ուշակովը, փոխանցում է ТАСС-ը․
«Ես չգիտեմ՝ Փաշինյանը կգա՞, թե ոչ, սակայն տեղեկություններ կան, որ նա կմասնակցի տեսակոնֆերանսի տարբերակով», - ասել է Ուշակովը։
Ավելի վաղ ՌԴ նախագահի մամուլի քարտուղար Դմիտրի Պեսկովը հայտնել էր, որ ՌԴ ղեկավարը նախատեսում է հոկտեմբերին այցելել Ղրղզստան և այնտեղ հանդիպել, մասնավորապես, Բելառուսի նախագահ Ալեքսանդր Լուկաշենկոյի հետ։ Կրեմլի ներկայացուցիչը հայտնել է, որ ճամփորդության ժամկետները որոշված են, սակայն դրանք դեռ վաղ է հայտարարել։ Հոկտեմբերի 4-ին Ղրղզստանի նախագահի աշխատակազմի արտաքին քաղաքականության բաժնի ղեկավար Մուրատբեկ Ազիմբակիևը հայտնել է, որ ԱՊՀ գագաթնաժողովը տեղի կունենա հոկտեմբերի 13-ին Բիշքեկում։ Ղրղզական կողմը նաև ակնկալում է, որ Պուտինի պետական այցը Ղրղզստան կկայանա հոկտեմբերի 12-ին։
