ՀՀ մարզպետարաններին 600 մլն դրամ է հատկացվել Արցախից բռնի տեղահանվածների կարիքների համար

Արցախից բռնի տեղահանված անձանց համար առաջին անհրաժեշտության ապրանքների հրատապ ձեռքբերման, ինչպես նաև հյուրանոցային ծառայությունները փոխհատուցելու նպատակով ՀՀ կառավարության պահուստային ֆոնդից 600 մլն դրամ գումար է հատկացվել մարզպետարաններին։ Որոշումն ընդունվել է ՀՀ կառավարության այսօրվա նիստում։

 

Բաշխվածությունն իրականացվել է հետևյալ կերպ` ՀՀ Արագածոտնի և Շիրակի մարզերին՝ 30 մլն–ական դրամ, Արարատի մարզին՝ 100 մլն դրամ, Արմավիրի, Գեղարքունիքի և Վայոց Ձորի մարզերին՝ 50 մլն–ական դրամ, Լոռու մարզին` 40 մլն դրամ, Կոտայքի մարզին` 140 մլն դրամ, Սյունիքի մարզին` 65 մլն դրամ, Տավուշի մարզին` 45 մլն դրամ։

 

Հիշեցնենք` Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ադրբեջանական ագրեսիայի հետևանքով Արցախը մեկ օրում առնվազն 200 զոհ և ավելի քան 400 վիրավոր տվեց։

Քաղաքականություն